Duogáš
Discover Barents govvengilvu lea oaivvilduvvon buohkaide geat leat beroštuvvan govvet. Gilvvu guovddážis lea Barents guovlu. Govvengilvu dollojuvvui vuosttas geardde jagi 2017 Suomas, Kainuu guovllus. Suomas lei dalle ovdagoddedoaibma Barents guovloráđis.
Gilvvu váldoulbmil lea ovddidit ja nannet rádjarasttildeaddji ovttasbarggu Barents guovllus. Muđui lea ulbmil vuosehit Barents guovllu vejolašvuođaid.
Vuosttas Barents govvengilvvu fáddá jagi 2017 leai luondu, ja gilvu lihkostuvai hirbmat bures. Nubbi gilvu dollojuvvui 2019 fáttáin Nuorat Barents guovllus. Goalmmát gilvu dollojuvvui 2020 ja dan fáddán lei Eallin Barents guovllus COVID áigge.
Discover Barents govvengilvu 2023
Ovddit govvengilvvut leat dollojuvvon Barents guovllu regiovnnain. Dán háve Suoma bargo- ja ealáhusministeriija lea váldán ovddasvástádusa joatkit árbbi ja lágidit gilvvu Plastihka mátki Barents guovllus -prošeavtta oassin. Prošeavtta lea ruhtadan Olgoriikkaministeriija ruhtadanprográmma oassin, man ulbmilin lea doarjut Suoma Barents Euro-Árktalaš ráđi ságajođiheaddjin.
Prošeakta lea movttiidahttán válljet dán jagáš gilvvu fáddán “Gierdogeavaekonomiija Barents guovllus”. Govain sáhttá deattuhit doaimmaid mat gullet gierdogeavaekonomiijai (olbmot ja diŋggat guovddážis), muhto maiddái luonddugovat dohkkejit jus dain lea oktavuohta gilvvu fáttáin. Lea govvejeaddji hutkáivuođas gitta makkár áššiid mearrida govvet, muhto dat galget juoga nu láhkai leat oktavuođas gierdogeavaekonomiijain.
Gilvu lea rabas buohkaide man beare riikkas. Njuolggadusat leat muitaluvvon Njuolggadusat&vuoittut -oasis dáid neahttasiidduin. Gilvu rahpasa njukčamánu 23. beaivve 2023 ja nohká suoidnemánu 23. beaivve 2023.
Go gilvoáigi lea nohkan, álbmogiidgaskasaš duopmárgoddi ovddasteaddjiinis Suoma, Ruoŧa ja Norgga Barents guovlluin ja Álbmogiidgaskasaš Barents čállingoddi (IBS) válljejit vuoitiid. Vuoitiid almmuhit Barents guovllu euroárktalaš ráđi čoahkkimis golggotmánu 23.-24. beaivve 2023 Joensuus, Davvi-Gárjilis Suomas.
Gilvobohtosat almmuhuvvojit neahttasiidduin www.discoverbarents.com. Buohkat geat vuitet ožžot dieđu, jus fal oktavuođadieđut leat midjiide sáddejuvvon. Bargo- ja ealáhusministeriija váldá oktavuođa buot vuoitiide bálkkašumi vuostáiváldima birra.
Jus dárbbašat eanet dieđuid váldde oktavuođa
Ossi Tornberg, Suoma bargo- ja ealáhusministeriija
+358 29 5047 390